Plantun de Prouvènço

Pèr coumpara dos planto d'encò nostre

Helianthemum apenninum & Raphanus raphanistrum subsp. landra

Helianthemum apenninum

Cistaceae

Noms en français : Hélianthème des Apennins, Hélianthème blanc.

Descripcioun :
Aquesto massugueto que trachis dins la garrigo fai de poulìdi flour blanco à la primo. Li fueio, cendrouso, soun cuberto de péu estela. La massugueto-di-sepalo-vióuleto ié sèmblo proun, mai èi pu pichoto dins tóuti si partido. La massugueto-blanco a de petalo > 10 mm e de sepalo > 6,5 mm (à la flouresoun) e lis estipulo fan de 7 à 10 mm. Coumpara emé la massugueto-di-sepalo-vióuleto que ié sèmblo proun.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenol).

Port : Pichoto planto lignouso
Taio : 5 à 40 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1800 m
Aparado : Noun

Liò : Garrigo - Tepiero seco
Estànci : Termoumediterran à Mountagnard
Couroulougi : Pancaro entresigna
Ref. sc. : Helianthemum apenninum (L.) Mill., 1768

Ravanello

Raphanus raphanistrum subsp. landra

Brassicaceae Cruciferae

Àutri noum : Ravanasso, Ravaniscle, Rafanello, Ravanet.

Noms en français : Radis maritime, Radis sauvage.

Descripcioun :
La ravanello èi lou cousin fèr di rais-fort. Trachis dins lis ermas, en ribo de camin e peréu proche de la mar. Se recounèis à si petalo que s'estrechon (à ounglet), si fueio pelouso coumpausado de 2 à 8 paréu de tros prefound e subretout à si fru acaba emé un bè, ço que lou destrìo dóu gènre proche Brassica. Coumpara emé la subsp. raphanistrum que ié sèmblo.

Usanço :
Tout èi manjadis dins la ravanello. Li flour e li jóuini fueio en ensalado, li fueio mai vièio (mai pas trop que pièi soun amaro), cuecho, li jóuini fru peréu. Se fai uno meno de moustardo emé li grano que se manjon peréu greia.

Port : Grando erbo
Taio : 15 à 80 (100) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Raphanus
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco : Planto de coustiero
Mai à setèmbre

Liò : Ribiero - Mar - Champ - Camin
Estànci : Termoumediterran à Mesoumediterran
Couroulougi : Mediterrano-atlantico
Ref. sc. : Raphanus raphanistrum subsp. landra (Moretti ex DC.) Bonnier & Layens, 1894

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Helianthemum apenninum & Raphanus raphanistrum subsp. landra

ges

Coumpara Massugueto(-blanco) emé uno autro planto

Coumpara Ravanello emé uno autro planto